ՄԱԿ ԱԶԿ Ռեսուրսների արդյունավետություն և մաքուր արտադրություն (ՌԱՄԱ) ցուցադրական ծրագրի շրջանակներում կազմակերպվում է ՌԱՄԱ շահառուների առաջին ֆորումը, որն ուղղված է խթանելու էներգետիկ արդյունավետությունը փոքր և միջին ձեռնարկություններում` ՄԱԿ-ի արդյունաբերական զարգացման կազմակերպության <<Ռեսուրսների արդյունավետություն և մաքուր արտադրություն>> ծրագրի շրջանակներում: Շահառուների առաջին ֆորումը տեղի կունենա հոկտեմբերի 30-ին, ժամը 11:00-ին Արարատ քաղաքի Մշակույթի պալատում:

«Ռեսուրսների արդյունավետություն և մաքուր արտադրություն» ծրագրի շահառուների ֆորումների հիմնական նպատակն է տեղայնացնել և օժանդակել ՌԱՄԱ փորձի, մեթոդների և գործիքների ներդրմանը Հայաստանում։

Ֆորումի ընթացքում կներկայացվեն ՓՄՁ-ների համար մշակված «Ռեսուրսների արդյունավետ օգտագործում և մաքուր արտադրություն՝ ուղեցույց ՓՄՁ ների համար» հիմնարար սկզբունքները։ ՓՄՁ-ների, պետական և քաղաքացիական հասարակության ներկայացուցիչների հետ կքննարկվի ռեսուրսների արդունավետ օգտագործման և մաքուր արտադրության մեթոդաբանությունը, կներկայացվի ՌԱՄԱ փորձաքննություն անցած ՓՄՁ-ների փորձը։ ՌԱՄԱ կիրառման արդյունքում ակնհայտ կլինեն տնտեսական, բնապահպանական և սոցիալական օգուտները կառավարության, տնտեսվարողների, սպառողների, ինչպես նաև շրջակա միջավայրի պահպանության համար։ Բիզնեսի բարգավաճման, մրցունակ արտադրանքի ստեղծման, շուկայական տնտեսությունում գործող ցանկացած ընկերության համար անհրաժեշտ է էկոլոգիապես անվտանգ, աշխարհում ընդունված մեթոդների, միջոցների ու գործիքների ներդրումը. Հենց այս նպատակին կծառայի «Ռեսուրսների արդյունավետ օգտագործում և մաքուր արտադրություն՝ ՓՄՁ ների համար» մշակված ուղեցույցը: