Տարածաշրջանային ծրագրի համառոտ նկարագիր

 Իրականացման վայրը`     Հարավային Կովկասի երկրներ` Հայաստան, Վրաստան, Ադրբեջան

Տևողությունը`    36 ամիս

Թիրախային խմբերը

• Պետական իշխանություններ` ազգային/տարածաշրջանային մակարդակով (Հայաստանի, Վրաստանի և Ադրբեջանի բնապահպանության, գյուղատնտեսության, տարածքային կառավարման, արտակարգ իրավիճակների, էկոնոմիկայի և ֆինանսների նախարարություններ):
• Տեղական իշխանություններ/տեղական ինքնակառավարման մարմիններ, ծրագրի իրականացման համայնքների բնակչություն:
• Շահագրգիռ ոլորտների համայնքային կազմակերպություններ (ֆերմերային տնտեսություններ, բիզնես միավորումներ և այլն):

Ծրագրի նպատակները

 Ծրագրի գլխավոր նպատակն է` հզորացնել տեղական համայանքների և տեղական իշխանությունների կարողությունները Հարավային Կովկասի լեռնային շրջանների  անտառային էկոհամակարգերի և կենսաբազմազանության կորստի նկատմամբ` բարելավելով կենսաբազմազանության մասնակցային կառավարումը:

Ծրագրի հատուկ նպատակներն են` 

1. Բարձրացնել տեղական համայնքների, լեռնային շրջանների տեղական իշխանությունների և ազգային մակարդակում որոշում կայացնողների իրազեկվածությունը և  գիտելիքները  անտառային էկոհամակարգերի և կենսաբազմազանության արժեքների, դրանց կայուն օգտագործման և  պահպանման օգտակարության մասին, ինչպես նաև մեծացնել կենսաբազմազանության պահպանության պատրաստակամությունը:
2. Տեղական մակարդակում կենսաբազմազանության կառավարման պլանավորման գործընթացներում ներդնել մասնակցային կառավարման մեթոդը:
3. Դեգրադացված անտառային էկոհամակարգերի վերականգնման և դրանց նշանակության բարձրացման պիլոտային ծրագրերի իրականացման միջոցով  ցույց տալ դրանց գործնական կիրառումը:

Հիմնական գործողություններ 

• Որպես պիլոտային ուսումնասիրություն` ծրագրի իրականացման սկզբնական փուլում իրականացնել ընտրված տարածքների հարակից գոտիների էկոհամակարգերի և կենսաբազմազանության (ներառյալ անտառային էկոհամակարգերը) տնտեսական գնահատում:
• Իրականացնել ինֆորմացիոն-տեղեկատվական գործողություններ, ինչպես օրինակ <<Ձեր անտառը և դուք>> սոցիալական միջոցառումներ, մեդիա-արշավներ, ռադիո-հեռուստահաղորդաշարեր, տպագրություններ:
• Գիտելիքի և փորձի փոխանակման նպատակով անցկացնել տարածաշրջանային և ազգային համաժողովներ:
• Իրականացնել անտառային ռեսուրսների օգտագործման ուսումնասիրություն Հայաստանի թիրախային Ջուջեվան և Կողբ համայնքների հարակից գոտիներում:
• Թիրախային համայնքների հարակից գոտիների համար մշակել անտառային էկոհամակարգերի GIS (աշխարհագրական տեղեկատվական համակարգ) տվյալների բազա:
• Իրականացնել առկա ռեգիոնալ/տեղական քաղաքականությունների, ռազմավարությունների, ծրագրերի վերլուծություն`հաշվի առնելով կենսաբազմազանության պահպանման, դրա կայուն օգտագործման, անտառօգտագործման և համայնքային անտառկառավարման հարցերը, և համապատասխան կանոնակարգող փաստաթղթերի համար մշակել կենսաբազմազանության և համայնքային անտառկառավարման նշանակությունը բարձրացնող առաջարկություններ:
• Տեղական մակարդակում անցկացնել կարողությունների կարիքների գնահատում ` տեղական զարգացման քաղաքականություններում կենսաբազմազանության պահպանման, կայուն օգտագործման, անտառների համայնքային կառավարման հարցերի ներառման նպատակով:
• Կազմակերպել ուսուցումներ որոշումներ կայացնողների և տեղական բնակչության  համար` կենսաբազմազանության պահպանման, կայուն օգտագործման, անտառների համայնքային կառավարման և այլ հարցերի շուրջ:
• Մշակել և իրականացնել անտառային էկոհամակարգերի վերականգնման և դրանց նշանակության բարձրացման պիլոտային  ծրագրեր:

Ակնկալվող արդյունքներ

• Էկոհամակարգերի և կենսաբազմազանության տնտեսական նշանակության մասին գիտելիքները փոխանցված են:
• Կենսաբազմազանության պահպանման կարևորության հասարակական իրազեկվածությունը, որը քաջալերում է տեղի  բնակչությանը կայուն կերպով օգտագործել կենսառեսուրսները բարձրացված է:
• Տեղական կարողությունները` ճանաչել կենսաբազմազանության և էկոհամակարգերի ծառայությունների կարևորությունը, հզորացված է:
• Կենսաբանական ռեսուրսները կառավարվում են կայուն ձեւով, որը հեշտացնում է կենսաբազմազանության պահպանումը թիրախային համայնքներում:
• Կենսաբազմազանության մասնակցային կառավարումը հզորացված է այնքան, որ շահառուները կարող են ինքնուրույն կառավարել գործընթացը: